શુષ્ક સ્તનો પર ભુખી નજર
વાત્સલ્યના ઝરણ
ખોજવા મથતા અશક્ત અધર
માંસ ચરબી વિહીન ગાલ પર
થીજી ગયેલ અશ્રુના થર
મોંઢાથી મોટી આંખોમાં બાળ પ્રશ્નો
અસંખ્ય, નહીં કોઈ ઉત્તર
માંડ શ્વસતી અકાળ વ્રુધ્ધ માના
શ્વાસ અધ્ધર
ભયભીત મૌન,
આંખના ગોખલે ઉંડી ઉતરેલી
લાચાર, અસહાય નજર
ડાક્ટર, ડાક્ટર!
સંભળાય છે
એક બીન અનુભવી સ્વયંસેવકનો
કાકલુદીભર્યો પીડીત સ્વર
ખબર છે, ખબર
છોડી દો એમને ઈશ્વર પર
મળે છે ઉત્તર
મ્હોં ફેરવ્યા વગર
નથી નિશ્ચિત જેઓનું મરણ
નીકળીએ તેમની તલાશ પર
ભરત શાહ
નોવાઈ, મિશીગન
જુન ૨૭, ૨૦૦૯
Subscribe to:
Post Comments (Atom)
બક્ષે છે આશિર્વાદો જેના કર
ReplyDeleteકેમ આવો એ પક્ષપાતી ઇશ્વર?
હશે એ નિર્દય પુર્વજન્મનું ચક્કર
જે આપે નહીં તરણું પણ પથ્થર?