Thursday, December 18, 2014

એમ કર મા

માણસો ગમતાં બધે ના મળે
ગમ્યા કેટલાને, હિસાબ એમ કર મા
મ્હોરાં મળે, ચ્હેરા બધે ના મળે
ધરી આરસી, ઉપહાસ એમ કર મા
શબ્દો મળે, ભાષા બધે ના મળે
સંસ્કારની ગ્હેરી તપાસ એમ કર મા
શોર મળે, સંગીત બધે ના મળે
મહેફિલમાં મન ઉદાસ એમ કર મા
સૌ અધૂરાં, પૂરા ક્યાંય ના મળે?
લઇ દીવો એમની તલાશ એમ કર મા
જો નથી અંદર તો બ્હાર ના મળે
શોધવાનો અમથો પ્રયાસ એમ કર મા
ભરત શાહ

No comments:

Post a Comment