આપણું ગણિત

આમ તો આ જીવનની મોટા ભાગની ક્ષણો બાદબાકી કરવા જેવીજ હોય છે.
સરવાળા તો દેખાવ અને દંભ ખાતરજ કરતા હોઈએ છીએ

કોઈ પર કરેલા એક ઉપકારનો સરવાળો સો થતો હોય છે.
કોઈ એ કરેલા સો ઉપકાર બાદબાકી બાદ શૂન્ય થઈ જતા હોય છે.

સીધા સવાલનો સમય અને સંજોગ ને અનુકૂળ આપણે ઘણીવાર ગોળ ગોળ જવાબ આપીએ છીએ.
બાકી ભુમતીમાં એટલા કાચા નથી કે આપણને સુરેખા અને વર્તૂળ વચ્ચેનો ભેદ ખબર ન હોય.

ચક્રવૃદ્ધિ વ્યાજ ગણવાની શરૂઆત કરી વાણિયાઓ એ અંકગણિત જેવા સહેલા વિષયને જાણી જોઇને કઠિન બનાવી દીધો. ગામડીયા વેઢેથી ગણી શકે ત્યારેજ ચોપડા સમજેને.

આમ તો આ આંકડાઓની વાત છે પણ એમાં વ્યવહારીકાતાનો નીચોડ છે.
હું નાનો હતો ત્યારે મને કોઈ પૂછે કે તું કેટલા વર્ષનો તો હું મારી ઉંમરમાં બે ત્રણ વર્ષ ઉમેરી જવાબ આપતો. બાના કહેવાથી.
તે સમયે બાર વર્ષે બાવો જાગ્યો એનો અર્થ મને ખબર ન હતો.
રેલગાડીમાં પૂનમ ભરવા આખું કુટુંબ રણછોડરાય ના ડાકોર જતું.
ટીટી મારી ઉંમર પૂછે તો બાપુજી બે વર્ષ બાદ કરીને કહેતા.
ગામ છોડી ગયો તો કોલેજમાં પણ જતો ક્લબમાં.
ત્યાં બારમાં મારી કોઈ ઉંમર પૂછે તો હું બે વર્ષ ઉમેરીને કહેતો.
ત્યાં યુવતિઓમાં પણ રસ જાગ્યો હતો.
નાની મળે તો ઉંમરમાંથી બાદબાકી અને મોટી મળે તો સરવાળો કરતો.
એમ કરતા કરતાં નીવૃતિને આરે ઉભો છું.
ઓફીસ માં મારી કોઈ ઉંમર પૂછે તો બે ત્રણ વર્ષ બાદ કરી જવાબ આપું છું.
છૂટકો નથી. શેર બજારમાં આજકાલ સરવાળા ઓછા થાય છે.

આખા જીવનનો આધારજ જુઠ્ઠા સરવાળા અને બાદબાકી છે

નવરાશ

કોઈને આમ કોઈ,
અમથું કઈ યાદ કરતું નથી
એતો નવરાશ નું જાદુ છે
સમયની બલિહારી છે બધી
માનવ માત્ર એનું પ્યાદું છે

सखी

सखी चालोने मेले वैशाखना, खेल नजर्युना खेलवाने जइये
सखी चालोने धिक् धीकता जेठमा, रीत प्रीतनी पाकी करीये
सखी चालोने आषाढी मेह्मा, भींजाई ने नेहमाँ नीतरिये
सखी चालोने सूका श्रावनमा, थोड़ा अलगा रहीने तरसीये
सखी चालोने राधा आठममा, भेला कालींदी कांठडे थइये
सखी चालोने शारदी पूनममा, माना गरबा उमंगमा घुमीए
सखी चालोने काली चौदशमा, दीवा अन्तरमा उंडा प्रगटावीये
सखी चालोने देव दिवालीये, दीवा श्रद्धाना देवने चढ़ावीये
सखी चालोने पोषनी टाढमा, उनां शमनानी संगमा पोढीये
सखी चालोने महा मासमा, शुभ पगलां प्रभूतामा पाडीये
सखी चालोने वायरे वसंतना, गीत भमराना गुण गुणाइये
सखी चालोने होलिना संगमा, रेला रंगना जीवने वहावीये

आप छो

नथी मलवाना कदी क्यारेय, मृगजल, मात्र भास छो
समजूं, तोये न बुज़ाये एवी अधूरी प्यास छो

जमाई

परन्या पछी पुरुष पोतानी पत्नीनी माँ ने कहे छे
तुं ज.. माई
पोतानी माता ने कहे छे
जा, माई

प्रियतम

સફરમાં તું સાથે હોયે ન તોયે, સંગાથ તારો હોય છે
મારા હર એક પગલાની પાછળ, હાથ તારો હોય છે

નજરમાં ન હોયે ક્યાંય તોયે એહસાસ તારો હોય છે
નહિ દૂર, નિજ ઉર મહી હરદમ આવાસ તારો હોય છે

સ્મરણમાં આવતાં આંસુઓમાં આસ્વાદ તારો હોય છે
વિરહની વ્યથા, પીડામાંયે મધુર પ્રસાદ તારો હોય છે

અગર ના મળે જીવનમાં, મરણમાં વિશ્વાસ તારો હોય છે
તુજ નામથી નીસરતો, આખરી ઉચ્છવાસ તારો હોય છે

ભરત શાહ

લાંબી વાટ

સાંભળ્યું છે યમદુત હોય છે ક્રુર
પણ ખાતરી થઈ ગઈ છે કે
એ મુઓ ગણિતમાંય
કાચો છે જરુર.
અલ્યા,કરચલીયો ગણતાં
આટલી વાર?

ભરત શાહ
નોવાઈ, મીશીગન