બાય પાસ

"બા, બાપુની બે આર્ટરી બ્લોક છે, બાય પાસની જરૂર છે."
"પછી બધું બરાબર તો થઇ જશે ને?"
"બા, ચારેક લાખ રૂપિયા થઇ જાય"
"બધી સી ડી રોકડી કરાવી કાઢો"
"એ તો ક્યારનીય વપરાઈ ગઈ તારી માંદગીમાં ને બહેનના લગ્નમાં"
"તારાથી કંઈ થાય?"
"બા, મયુર કોલેજ જવાનો ને માયા દસમામાં છે."
"કા..ર, સ્કૂ..ટર?"
બા, એ બધી તો હવે જરૂરિયાત...."
"તો પછી મારી બંગડીઓ, કાપ.."
"કાલે ઉઠીને તારા માટે જરૂર પડે."
"ત્યારની વાત ત્યારે..અત્યારે એમનાથી વધારે.."
"બા, સમજ. બાપુજી સિત્તેરના થશે. દાક્તરો તો પૈસા માટે બધું ક્હે."
"તો?"
"તું ક્હે એમ કરીએ, બા"