ઉભો છું ઉંચે એકલો અટુલો તોયે કોઈનો સાથ લાગે છે
સમીરની શીતળ લહરમાં અડકતો કોઇનો હાથ લાગે છે
નીરવતા, નરી નીરવતામાં, સંભળાતો કોઈનો સાદ લાગે છે
સંગીતની સાત સુરાવલીનો કોઈ અલૌકિક અંદાઝ લાગે છે
ક્ષિતિજ ચારેકોર, ઉપસ્થિતિ મારીજ મને અપવાદ લાગે છે
શોધવી અહીં ક્યાં સીમાઓ નિરર્થક નર્યો વિખવાદ લાગે છે
નજર માંડુ જ્યાં જ્યાં ઉદભવતો કોઈમાં વિશ્વાસ લાગે છે
ભલે કહે કોઈ આભાસ, અનંત પણ અંતરની પાસ લાગે છે
ભરત શાહ
નોવાઈ, મીશીગન
ઓગસ્ટ ૯, ૨૦૦૯
Subscribe to:
Post Comments (Atom)
No comments:
Post a Comment