મસ્જિદની માંહી મહંમદને ગુમસામ મેં જોયો
છોડી અયોધ્યા, અરણ્યમાં જતાં રામને જોયો
શત ફેંણ ફેલાવતાં કાતિલ કોમીનાગ મેં જોયો
શરમે ઝુકાવતાં નૈનો કાલિંદીકાંઠ કાનને જોયો
ખુદાનો આખરી પયગંબર પાક કુરાનમાં જોયો
લોહીભીની તલવારથી થતાં બદનામ મેં જોયો
થયેલી ભસ્મ લાશો પર હસતાં ઈન્સાન મેં જોયો
પોંછતાં અશ્રુ આંખેથી અરે રે શયતાન ને જોયો
ઝમેલો જમાવતાં સંત મહંત મૌલા ઈમામને જોયો
જોયા ધરમના ધુરંધર, હિંદુ ન મુસલમાન મેં જોયો
આંગળી ચીંધતાં હર અભિનેતા,નેતા મહાન ને જોયો
ગયો ગાંધી, ન કોઈને ઝાંખતો ગિરેબાનમાં મેં જોયો
મંદિરની માંહી મહંમદને રામની પનાહમાં મેં જોયો
મસ્જિદની માંહી રામને અલ્લાહની નિગાહમાં જોયો
ભરત શાહ
નોવાઈ, મીશીગન
ઓગસ્ટ ૯, ૨૦૦૯
No comments:
Post a Comment