ખાતાવહી

ધન અને મિલકતના હિસાબ કિતાબ ના હોય
ત્યાં એહસાનોનાં સરવાળા બાદબાકી હોય

ખાતાવહી તો છાતીએ વળગેલી ને વળગેલી
કદી પીછો ના છોડે
હૃદયના ધબકાર બંધ થઇ ગયા પછીપણ
એક એક શ્વાસનો હિસાબ લેવા
ઉપર ચિત્રગુપ્ત ચોપડો ખોલીને
કાગ ને ડોળે રાહ તાકીને બેઠો જ હોય

ત્યાં ન તો મુદ્દલ ની માંડવાળ થાય કે વ્યાજની
ના તમારા ગુણોનો અતીશયોક્તિથી નીતરતો ગુણાકાર
કે કોઈના લીધેલા એહસાનોનો મનઘડંત આંકડાઓથી ભાગાકાર
સરવૈયાના આંકડાઓમાં ન કાંઈ ઉમેરાય કે ના કાંઈ કઢાય

એડજસ્ટ કરવાની કે સમજી લેવાની કોઈ વાટાઘાટ જ નહીં
--ભરત શાહ