કંકૂ ચાંલા ને નારિયેળ

મજીદ, કાલે અવાશે ને?
સવાલ જ નૈ ભૈ. ક્યારનું છે પ્લેન?
સાંજનું...બારેક વાગે નીકળીએ. વરસાદને લીધે ખાડા ખાબોચિયાં હોય ને ટ્રાફિક પણ.
કેટલા આવવાના મુકવા? ને બેગ? મોટી ગાડી લાવું ને?
કોઈ જ નહીં. એકલો જ છું. બેગ પણ એક જ છે. નાની મારુતી ચાલશે.
તો, મરિયમ ને મેહ્જબિનને લઇ મોટી ગાડી સાથે આવીશ.
જરૂર નથી. આખા દિવસની રખડપટ્ટી કરવાની.

ભૈ, પહેલીવારના ગયા તારે મારી ઘોડાગાડીમાં રેલવે ટેશન ગયા'તા.
આખું ગામ આયું'તું વળાવવા. મરિયમે પણ તમને કંકુ ચાંલા કર્યા'તા
તો?
તો આજે પણ કંકુ ચાંલા એ જ કરશે. અમદાવાદ એરપોર્ટ પર.