વામણા નેતાઓ

સ્થાનિક રાજકારણ હોય, વૈશ્વિક રાજકારણ હોય કે પછી ભૌગોલિક; માનવ મુલ્યો અને તેના અધિકારોનું રક્ષણ કરવામાં નાના રજવાડા જેવા દેશોથી માંડી મોટી મોટી વિશ્વ સત્તાઓને પોતાના હિત સિવાય એક માનવના હિતમાં રસ હોતો નથી. આફ્રિકાના કોઈ ગરીબ દેશમાં વર્ષો સુધી હજારો માનવીઓની નિરંકુશ હત્યા સહેવાય પણ ખનીજ તેલથી અમીર થયેલા લિબિયા જેવા દેશમાં એ એક દિવસ પણ ન ખમાય. જ્યારે આદર્શોની વાત આવે છે ત્યારે વિશ્વના તખ્તા ઉપર અત્યારે એકેય માનનીય કે મહાન નેતા નજરમાં આવતો નથી. સૌ વામણા લાગે છે. આવી નેતાગીરી એ માનવ સમુદાય ઉપર ઈતિહાસનો શ્રાપ તો નથીને? - ભરત શાહ