અંતરના ઉંડાણમાં ડુબકી મારી
હું શોધુ છું છીપલાં છુપાએલા છે જેમા
સંવેદનાના મોતી
ઘોર અંધકારમાં ડુબકી મારી હું શોધુ છું
એક છીદ્ર
પ્રવેશે છે જેમાથી જ્યોતિ
અસહ્ય ઘોંઘાટમાં ઘેરાઈ જઈ
હું શોધુ છું એક સરગમ
છેડે છે જે નરી શાંતિ
હું શોધુ છું, હું શોધુ છું, હું શોધુ છું
ખરું છે આ સ્વપ્ન,
મારી આંખ કેમ નથી ઉઘડતી?
ભરત શાહ
નોવાઈ, મીશીગન
જુન ૧૪, ૨૦૦૯
Subscribe to:
Post Comments (Atom)
"મારી આંખ કેમ નથી ઊઘડતી"માં મને બે અવાજ સંભળાય છે: આંખ ઊઘડે તો આ અસંતોષ નિપજાવતા સ્વપ્નમાંથી છુટકારો મળે, અને બીજું મારી બુદ્ધી કેમ સ્વીકારતી નથી કે આવા સ્વપ્નો દુર્પ્રાપ્ય હોય છે! ... ચંદ્રેશ ઠાકોર
ReplyDeleteપ્રેમ, કરુણા, શાંતિ, અંતરનો અજવાશ એ એક આદર્શ મનની અવિરત ખોજ છે. પણ જીવનની વાસ્તવિકતાના પરિબળોની સામે એક સામાન્ય માનવીના મનોબળનું શું ગજુ? સુષુપ્ત મનને એ ખોજના સ્વપ્નમાં જ રાચવામાં રસ છે.
ReplyDeleteઅભરાઈ પર ચઢાવેલા આદર્શોના અભરખાના અસંતોષ સાથે જીવવાને તો આખો દિવસ પડ્યો છે