આમ તો

આમ તો

આમ તો હું તને કયાં યાદ કરું છું
ભૂલથીય ક્યાં ભટકાઉં છું
પણ જ્યારે અડધી રાતે તારું બારણું ખખડાવું છું
તું સફાળો જાગે છે ને ચિંતિત થઇ મને પૂછે છે
બધું બરાબર છે ને? બા, બાપુજી, બાળકો, ભાભી?
જવાનું છે ક્યાંક?
બસ એક સેકંડ આપ, હમણા જ આવ્યો
ચિંતા ના કર બધું બરાબર કરી દઈશું
બરાબર થઇ જશે
પૈસાની તો બિલકુલ પરવાજ ન કરતો

અને હું હસું છું
ખડખડાટ
ને કહું છું
બહુ દિવસો થઇ ગયા બેટા
તને આવો જોવાનો લ્હાવો લેવાના

હું તો ખાલી એમજ આવ્યો હતો
તને happy friendship day કહેવા

અને તું વરસાવે છે
સુરતી ગાળોની વણઅટકી ઝડી
દબાવીને મારી ગળચી

ભરત શાહ