ગાંડપણ

ચાલો એક કામ કરીએ.
એક જાહેરાત કરીએ.
જેણે ઈશ્વરનો સાક્ષાત્કાર કર્યો હોય
તેમને, એમના ધર્મ અનુસાર,
આજે જ કે આજ પછી આવતા પહેલાજ
રવિવારની સાંજે બરાબર છ વાગે

મંદિર, મસ્જીદ, દેવળ, દેરાસર,
ગુરુદ્વારા, અગિયારી, સિનગાગ
વિગેરેમાં ભેગા થવાનો અનુરોધ કરીએ.
પ્રતિજ્ઞા લઇ એલાન કરીએ કે
જ્યાં સુધી આ બધા પવિત્ર ધામો
આવા સિદ્ધ માનવોથી પુરેપુરા
ભરાઈ ના જાય ત્યાં સુધી
ઈશ્વરના નામે,
દુનિયાના કોઈ પણ ખૂણે
એક બુંદ પણ
માનવ રુધિર નહિ વહાવીએ
ધત્ત...
આ ગાંડપણ નહીં તો
બીજું શું કહેવાય ?
ભરત શાહ